РЭНЧИНБАЛ

Дуслыг хураавал далай, дуулсныг хураавал эрдэм

21 Дарь Эх

green tara with green backgroundMongoltuuhenov11

Гэтэлгэгч Ногоон дарь эх таны өлмийд мөргөснөөр,

Хөвүүн хүсээч нь хөвүүнийг олж

Эд баялгийг эгээрсэн нь эдийг ямагт олоод

Эдлэхийг хүссэн бүхнээ олох болъюу

Элдэв тотгор бүхнийг тус тусад нь даран үгүй болгоюу.

“Бие”-ийн гэмийг тэвчсэнээр

Үзэсгэлэнгийн цогийг бадруулсан

“Хэл”-ийн гэмийг тэвчсэнээр

Галбингийн эгшгийг дуурьсгасан

“Сэтгэл”-ийн гэмийг тэвчсэнээр

Үнэмлэхүй утгыг нээсэн

Цагаан Дарь эхийн өлмийд

Цаглашгүй сүсгээр залбирмуй.

Эрдэмт хүний биеийг нүгэлд зарсны эрхээр

Эсэн мэндийн заяандаа цөв суулгаснаа Наминчилмуй.

Өвчингүй энхийн рашаанаа хур мэт буулга Дарь эх минь

Үхэлгүй мөнхийн рашаанаа далай мэт бялхуул Дарь эх минь

Үгүйршгүй эдийн сангаа навч мэт дэлгэрүүл Дарь эх минь

Үнэн билгийн гэгээн наран мэт мандуул Дарь эх минь

Хорин нэгэн дарь эхийн ачлал


Хорол эрдэнийн шүншигт

Хорин нэгэн дарь эх минь

Хорлол дэвийг ариусгагч

Хорин нэгэн бурхан минь

Шид увидаст тань биширч

Шившлэг тарнийг тань хэлье

Ум дари дүдари ие дүри суухай (3)

1. Эрхэнд хураагч Дарь эх

Эрмэш сэтгэлийг номхотгогч

Эвдэрсэн бүхнийг эвлүүлэгч

Төөрөг заяаг тэгшитгэх

Төрийн жаягийг төвшитгөх

Эрхэнд хураагч Дарь эхийн

Эрдэм чадалд сөгдөн мөргөе

Ум дари дүдари ие дүри суухай (3)

2. Ад номхруулагч Дарь эх

Зургаан сав таван цулд

Зовлон хурж өвчин адлах

Шаналалын түмэн барцадыг

Шидэт тарниар илааршуулагч

Ад номхруулагч Дарь эхийн

Агуу хүчинд сөхрөн мөргөе

Ум дари дүдари ие дүри суухай (3)

3. Төгс эдлэлийг дэлгэрүүлэгч Дарь эх

Төрсөн биенд буян хурж

Түмний үйлст гачаал багасч

Буурал хорвоон бумба бялхаж

Буцлан оргих гомдол сарних

Төгс эдлэлийг дэлгэрүүлэгч

Төгөлдөр Дарь эхэд сөгдөн мөргөе

Ум дари дүдари ие дүри суухай (3)

4. Нас аривтгах Дарь эх

Дотор сэтгэл ариусч

Дорой үзэл үгүйсч

Удаан жаргах мөр цохих

Удам сайжрах үйл бүтэх

Нас аривтгах Дарь эхэд

Наминчлан байж сөгдөн мөргөе

Ум дари дүдари ие дүри суухай (3)

5. Сэтгэл булаагч Дарь эх

Арга билгийн алаг мэлмий

Аз тавилант үнэнч хайр

Агуу сайхны эрхэм чанар

Асар тэнгэрийн алтан заадас

Сэтгэл булаагч Дарь эх таны

Сэвгүй лагшинд сөгдөн мөргөе

Ум дари дүдари ие дүри суухай (3)

6.Бүд нар сарыг согтууруулагч Дарь эх

Есөн гариг эргэн гийх

Ер бусаар илбэн таалах

Ёрын муу элчинд эгдүүцэх

Ертөнцийн одны гүйдэлд суух

Буд нар сарыг согтууруулагч

Бумба Дарь эхэд шүтэн мөргөе.

Ум дари дүдари ие дүри суухай (3)

7. Хорлол зүхлийг далдлан дарагч Дарь эх

Муу зүгийн лай татах

Мулгуу бодлын гай хураах

Санаанд оромгүй зан гаргах

Салга заяаны бузар үүрлэх

Хорлол зүхлийг далдлан дарагч

Ховс шидэт Дарь эхэд мөргөе

Ум дари дүдари ие дүри суухай (3)

8. Шимнус дайсныг даран сөнөөгч Дарь эх

Нөхрийн итгэлийг уланд гишгэх

Нарийн нууцыг уудлан шинжих

Нар сарыг хэтрүүлэн сэвтээх

Найман зүгтээ гасланг таригч

Шимнуст дайсныг даран сөнөөгч

Шагжмунь Дарь эхэд даатган мөргөе

Ум дари дүдари ие дүри суухай (3)

9. Аюулаас аврагч Дарь эх

Гал усны аюулт гаслан

Ган зудны амаргүй зовлон

Өр зүрх шархлаан тамлагч

Өвчин эмгэг зайлуулан өгөх

Аюулаас аврагч Дарь эхийн

Алтан мутраас адис авч мөргөе

Ум дари дүдари ие дүри суухай (3)

10. Чөтгөрийг эрхэндээ оруулагч Дарь эх

Муу зүгийн аливаа тотгор

Мунхаг зангийн албин тачаал

Хүмүүн заяаг хорслон тэрслэгч

Хүсэл хяслын нигуурт баярлагч

Чөтгөрийг эрхэндээ оруулан хураагч

Чадамж ихт Дарь эхэд мөргөе

Ум дари дүдари ие дүри суухай (3)

11. Үгээгүй хоосрохыг үтэр арилгагч Дарь эх

Өдөр бүр амны хишиг дэлгэрч

Өглөгийн цагаан буян хураагч

Үлэмж тансаг орчлонг амраах

Үйлийн сайн үйлс үерлүүлэх

Үгээгүй хоосрохыг үтэр арилгах

Үнэн бишрэлт Дарь эхэд мөргөе.

Ум дари дүдари ие дүри суухай (3)

12. Өлзий хутгийг бадруулагч Дарь эх

Дээд тэнгэрт залрагч

Хүмүүн заяаг тэгшлэх

Дээвэр цагаан гэрийн

Хүйс голомтыг асаалцах

Өлзий хутгийг бадруулагч

Өр зөөлөн Дарь эхэд мөргөе

Ум дари дүдари ие дүри суухай (3)

13. Сахин хамгаалагч Дарь эх

Туурга тусгаар орны

Туг сүлдийг бадраагч

Аюул гасланг зайлуулагч

Аливаа сайныг дээдлэгч

Сахин хамгаалагч Дарь эхийн

Сан сэржмийн хүчинд мөргөе

Ум дари дүдари ие дүри суухай (3)

14. Тотгор дарагч Дарь эх

Сав шим ертөнцийн

Саад буртгийг арилгах

Сайн үйлст торох лайг

Самбай болтол сэмлэх

Тотгор дарагч Дарь эхийн

Төгс эрдэмд шүтэн мөргөе

Ум дари дүдари ие дүри суухай (3)

15. Хилэнц номхруулагч Дарь эх

Алтан амь таслах

Адгуус мэт хурьцах

Худал хэлж хуурах

Хулгай хийж шулах

Хилэнц номхруулагч Дарь эхийн

Хэмгүй сүрт ид шидэд мөргөе

Ум дари дүдари ие дүри суухай (3)

16. Билиг хийгээд тарниа арвитгагч Дарь эх

Залбирал үйлдэн сэтгэл төвлөрч

Замбуулин хорвоон гасланг хөөх

Зургаадайн таягаа тулан зүтгэх

Зуун живаагаар мааниа шивших

Билиг хийгээд тарниа арвитгагч

Билгүүн номт Дарь эхэд мөргөе

Ум дари дүдари ие дүри суухай (3)

17. Дайсан хийгээд хулгай дарагч Дарь эх

Үзэл зөрж зэвсэг барих

Үтэр түргэн олзод шунах

Илүү харж нуувар авах

Итгэл алдаж нууц дэлгэх

Дайсан хийгээд хулгай дарагч

Дарь эх таны увидаст мөргөе

Ум дари дүдари ие дүри суухай (3)

18. Лус савдагийн хорыг арилгагч Дарь эх

Уул усаа үл баясгах

Ураг төрлөө үл хайрлах

Ургаа бүхнээ үтэр устгах

Улигт муу зуршлаар сажих

Лус савдагийн хорыг арилгагч

Лусын дагина Дарь эхэд мөргөе

Ум дари дүдари ие дүри суухай (3)

19. Муу зүүд хэрүүлийг арилгагч Дарь эх

Үг сөргөлдөн нүд босох

Үйлэнд хардан муу санах

Сэтгэл ёрлож нойр хулжих

Сэв суулгах зүрх цангаах

Муу зүүд хэрүүлийг арилгагч

Мутар ариун Дарь эхэд мөргөе

Ум дари дүдари ие дүри суухай (3)

20. Хижиг өвчний хорыг арилгагч Дарь эх

Халуун шатаж дотор хорсох

Хамаг биенд өвчин хурах

Бузар бүхнээ гулгин гаргах

Булуу шархирч шаналж зовох

Хижиг өвчний хорыг дарагч

Хэл цагаан Дарь эхэд мөргөе

Ум дари дүдари ие дүри суухай (3)

21. Аливаа үйлс бүхнийг бүтээгч Дарь эх

Хотол олон сэтгэл тэнэгэр

Хорлол барчид амар тайван

Дэлхийн энгээр дээвэр бүтэн

Дээд тэнгэрээр мичид алтан

Аливаа үйлс бүхнийг бүтээгч

Ариун дагшин Дарь эхэд мөргөе

13 Сэтгэгдлүүд»

  oyunaa wrote @

hi yg ni ih saihan medeeleltei yum ushuu delgerengui tailbartai tegeed bas jishee ni 21n dari ehiin tyhai end tys buriinh ni 21 byrhnii zyrgiig ni tawiad ene ni iim ychirtai ter ni ter byrhan tegeed uuniig yumar hun shuteh geh met talaar tailbar ugj bolohgui yum yy?

  JULIA wrote @

Sain saikhan um hiisen bn . Mash ih bayarlallaa. Dahiaad olon medeelel tabiaarai. Ajil uils tani amjilt huiya.

  sanja wrote @

hi uneheer saihan niitlel bolj ene duug n tataxaar taviad ogooch pls

  дөлгөөн wrote @

баярлалаа

  goochy_go@yahoo.com wrote @

Баярлалаа.

  nichkhun wrote @

uneheer goe duu bn

  MIM wrote @

Ene duug tataj awahaar oruulj ugch bolohuu

  Asian wrote @

Дарь эхийн ачлал үнэхээр гоё байна баярлалаа. Эмэгтэй хүн бүр Дарь эхэд залбирч явахад бүх зүйл нь сайн сайхан бүтэж үйлс бүхэн нь дэлгэрэх учиртай бөлгөө

  dembereldorj Magsarjav wrote @

уул нь сонин мэдээлэл байгаа юм байна монголчуудын шүтдэг бурханы зургуудыг тус бүрээр нь тайлбартай нь тавиач
Баян намсрай
Гонгор гэх мэтчилэн бусад бурхануудын зураг байвал сайн байна ямар бурхан вэ гэж танихад амар шүү дээ

  Мөнхсаран wrote @

Сайхан сайхан мэдээлэл хийсэн байна амжилт

  Otgoo wrote @

Дарь эх бурхан минь авралдаа багтааж хайрла

  Дугарсүрэн wrote @

маш их баярлалаа дарь эх бурхан минь авралдаа багтааж харла

  admin wrote @

renchinbal.mn


Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

%d bloggers like this: